Wanneer jy verlore, af, onderdruk, verwerp of moedeloos voel, is dit nodig dat jy jou identiteit in Christus weer te onthou en te weet wat Christus alles in jou lewe beteken.
Ons verklaar en bevestig ons ID in Christus volgens:
Ef5:8,9 ‘Vroeër was julle die ene duisternis, maar nou in die Here is julle lig. Leef dan as mense van die lig. 9 Uit die lig kom alles voort wat goed en reg en waar is. ‘ (ANV)
Omdat ek in Christus is, skyn Jesus se Lig deur my en is ek ‘n lig in die duisternis. (Jou voorbeeld word gesien.)
Ons verklaar en bevestig ons ID in Christus volgens:
Ef 2:19 ‘Julle is dus nie meer ver van God af nie, nie bywoners nie, maar medeburgers van die gelowiges en lede van die huisgesin van God.’ (ANV)
Ons is deel van God se huisgesin, ons is Sy kinders!
Ek het ‘n verhouding met my Pa en dis wonderlik! Het jy?
Ons verklaar en bevestig ons ID in Christus volgens:
Ef 3:12 ‘In ons verbondenheid met Hom en deur ons geloof in Hom kan ons met vrymoedigheid en vertroue na God gaan.’ (ANV)
Deur ons geloof in Jesus kan ons in vrymoedigheid en met vertroue tot God nader. Jesus het vir ons sondes betaal en ons is regverdig voor God.
Gaan klim op jou hemelse Pa se skoot! Gee Hom ‘n drukkie.
Ons verklaar en bevestig ons ID in Christus volgens:
Ef 3:6 ‘En dít is die geheimenis: deur die verkondiging van die evangelie en in hulle verbondenheid met Christus Jesus, word ook mense wat nie Jode is nie, saam met ons’ (Joodse gelowiges) ‘deel van die volk van God en lede van die liggaam van Christus, en kry hulle ook saam met ons deel aan wat God belowe het.’ (ANV)
Wat ‘n seëning, ons deel in al God se beloftes!
Glo dit, aanvaar dit, en maak dit jou eie, spreek dit oor jou lewe!
Ons verklaar en bevestig ons ID in Christus volgens:
Ef 2:13 ‘Maar nou in Christus Jesus het julle wat vroeër ver was, naby gekom deur die bloed van Christus.’ (AOV)
Wat ‘n voorreg om nader aan God, ons Vader, (Pa) te wees, deur wat Jesus alles vir ons op die kruis gedoen het.
Dankie Jesus, dat U ons sondes betaal het en ons nou geregtig en vry tot Vader God kan nader!
ID in Jesus Christus Broadcast groep
Ons verklaar en bevestig ons ID in Christus volgens:
1Pet 2:24 ‘wat self ons sondes in Sy liggaam op die kruishout gedra het, sodat ons die sondes kan afsterwe en vir die geregtigheid lewe; deur wie se wonde julle genees is.’ (AOV)
Dankie Jesus, vir U op offering en lyding op die kruis sodat ek nie net verlos is van die sondelas nie, maar ook in gesondheid kan loop, want deur U wonde is ek gesond!
Prys die Here vir geneesing in jou liggaam.
Ons verklaar en bevestig ons ID in Christus volgens:
Kol 2:10 ‘en julle het die volheid in Hom wat die Hoof is van alle owerheid en mag;’ (AOV)
Dankie Vader God, dat U my heelgemaak en herstel het in U volheid en mag. Dankie dat ek in Christus heel is.
Ons verklaar en bevestig ons ID in Christus volgens:
Ef 1:13 ‘Deur Christus het ook julle deel geword van die volk van God toe julle die waarheid wat aan julle verkondig is, die evangelie van julle verlossing, gehoor en tot geloof gekom het. In Christus het die Heilige Gees wat deur God belowe is, julle as die eiendom van God beseël.’ (ANV)
My gees is geseël deur die beloofde Heilige Gees met wedergeboorte as eiendom van God. As eiendom van God, het sonde nie meer ‘n invloed op my gees nie, dankie Jesus!
Ons verklaar en bevestig ons ID in Christus volgens:
Ef 1:11 ‘ in Hom in wie ons ook ‘n erfdeel ontvang het nadat ons vantevore daartoe verordineer is ooreenkomstig die voorneme van Hom wat alles werk volgens die raad van sy wil, ‘ (AOV)
Ek is ‘n erfgenaam! Ek het ‘n erfdeel ontvang in Christus, soos ‘n kind ge-erf van God my Vader. Dankie Vader, ek is so bevoorreg.
Ons verklaar en bevestig ons ID in Christus volgens:
Ef 1:10 ‘om die volheid van die tye te reël, met die doel om alle dinge wat in die hemele sowel as wat op die aarde is, onder een hoof in Christus te verenig—’ (AOV)
Ek is verenig onder Christus as my Hoof (outoriteit). Dis ‘n wonderlike outoriteit om oor ons te hê. Christus se juk (outoriteit) is lig en liefdevol.
